Muri uyu wa  18/11/2025, mu cyumba cy’inama cy’Akarere ka Ngororero, habaye inama ya Komite Nyobozi y’Inama y’Igihugu y’Abafite Ubumuga, iyobowe n’umuhuzabikorwa wayo, Bwana Emmanuel IYAKAREMYE, yitabiriwe n’abanyamuryango bayo bose. Inama yasuzumye ibi bikurikira:

-Ishyirwa mu bikorwa ry'imyanzuro y'inama iheruka;
-Ibikorwa by'ingenzi byakozwe mu rwego rwo gufasha ababana n'ubumuga mu gihembwe cya kabiri cy'umwaka w'ingengo y'imari wa 2025/2026;
-Imyiteguro y'icyumweru cy’abafite ubumuga gteganijwe ku ya 26/11–02/12/2025 hamwe n’imyiteguro yo kwizihiza umunsi mpuzamahanga w’abafite ubumuga.
II.
Ku biro by'Akarere habereye ubukangurambaga bwakozwe n’umuryango w’abafatanyabikorwa NUDOR, ku bufatanye n’Akarere ka Ngororero. Icyari kigamijwe muri ubu bukangurambaga kwari ugusuzuma serivisi zihabwa ababana n'ubumuga muri gahunda nshya y’ubwishingizi bw’ubuzima bushingiye ku baturage (CBHI).
Ikipe ya NUDOR yari iyobowe na Bwana Kubwimana Placide. Akarere ka Ngororero kari gahagarariwe na Bwana MUNDANIKURE Joseph, ukuriye ishami rishinzwe imibereho myiza. 
Ishami ry’ubuzima mu Karere ryatanze ikiganiro ku bwishingizi bw’ubuzima, cyatanzwe na Bwana Muhawenimana Miringa Venuste.
Abitabiriye amahugurwa barimo abayobozi bahagarariye ababana n’ubumuga bo mu mirenge ya Kageyo, Kavumu, na Muhanda.
Abitabiriye amahugurwa biyemeje gufatanya guharanira uburenganzira bw’abafite ubumuga no guteza imbere imibereho myiza yabo.