Abakozi b'Akarere ka Ngororero bari kumwe na Komite Nyobozi y'Akarere  n'abayobozi b'inzego z'umutekano bizihije ibirori by'Umunsi Mpuzamahanga w'Umurimo ku nsanganyamatsiko igira iti: "Gufatanya mu guteza imbere ubumenyi, kongera ihangwa ry’ imirimo, no guteza imbere ubudahangarwa bw’ubukungu bw’imbere mu gihugu."
“Partnering for Skills, Powering Job Creation, Fostering Local Economic Resilience
Atangiza ibi birori,  Umuyobozi w'Akarere @cnkusi20 yagize ati: 
"Ubumwe bwacu nizo mbaraga zacu, abashyize hamwe ntakibananira, iyo dutahirije umugozi umwe dushyashyanira umuturage w'Akarere ka Ngororero bituma tugera ku ntego." 
Mayor Nkusi yagarutse kuri discipline igomba kuranga umukozi kugirango arangize inshingano neza by'umwihariko ageza ku muturage serivisi nziza kandi ku gihe. Yanavuze ko buri mukozi agomba guhora aharanira guhanga udushya. 
Umuyobozi w'ishami ry'Imicungire y'Abakozi n'ubutegetsi  Madamu Mujawajambo Lydie yagejeje ku bakozi ikiganiro gikubiyemo ibice by'ingrnzi bikurikira:
- Ubuzima n'umutekano ku kazi;
- Imyitwarire mbonezamurimo isabwa umukozi wa Leta;
- Gahunda yo gushyira mu bikorwa ibipimo ngenderwaho mu mitangire ya serivisi mu nzego za Leta.
Yashoje ikiganiro yibutsa ko
umukozi n'umukoresha bafite inshingano zo kurangwa n'indangagaciro nyarwanda na kirazira n'imyitwarire mbonezamurimo bibafasha kuzuzanya no gushyira umuturage ku isonga.
Habayeho kungurana ibitekerezo hagati y'abakozi n'abayobozi kuri iki kiganiro.
Hatowe umukozi w'indashyikirwa Bwana Rugira Jean Baptiste ushinzwe imishahara y'abakozi. Abari mu birori  basangiye ubunararibonye bw'umukozi uri mu kiruhuko cy'izabukuru Major Rtd Turikunkiko Ildephonse. Ibirori byashojwe n'umupira w'amaguru wahuje ikipe y'Ingabo n'iy'abakozi b'Akarere urangira are 2-0. Abakozi n'abayobozi basabanye.