Uyu munsi ku wa 10/06/2020 mu Karere ka Ngororero mu murenge wa Nyange habereye igikorwa kijyanye n'isuzuma ry'Imihigo:
Imihigo ya Mutimawurugo mu mudugudu wa Vungu
Imihigo y'Umudugudu n'umurenge w'icyitegererezo  watoranijwe n'Intara.
Iri suzuma ry'Imihigo ryitabiriwe ku rwego rw'Intara na:
-Umunyamabanga Nshingwabikorwa w'Intara Madamu Uwambajemariya Florence
-Umukozi w'Intara ushinzwe igenamigambi,Bwana Nsanzimana Sylvestre
-Umuhuzabikorwa w'Inama y'Igihugu y'abagore ku rwego rw'Intara,Madamu Mukandekezi Francoise
-Umuhuzabikorwa wa CNF  wungirije ku rwego rw'Intara Madamu Nyambo Marine
-Ushinzwe ubutabera muri komite ya CNF ku rwego rw'Intara,Madamu Ingabire Marcelline
Ku rwego rw'Akarere hari Umuyobozi w'Akarere wungirije ushinzwe imibereho myiza y'abaturage Madamu Mukunduhirwe Benjamine  wari kumwe n'umuyobozi w'Ishami ry'Imiyoborere myiza, Umukozi ushinzwe uburinganire n'Iterambere ry'Umuryango, n'Umuhuzabikorwa wa CNF ku rwego rw'Akarere.
Hari kandi umuyobozi w'Inama Njyanama y'umurenge wa Nyange n'abakozi b'umurenge,abagize CNF,n'umukuru w'umudugudu wa Vungu.

Mu mudugudu wa Vungu ba Mutimawurugo barasobanura uko imihigo ihagaze
Ibyakozwe:
Kugaragaza uko imihigo ihagaze
Gusuma inyandiko gihamya cy'imihigo ya Mutimawurugo ku murenge
Gusura bimwe mu bikorwa byagezweho mu mudugudu ntangarugero wa Mutimawurugo n'umurenge w'icyitegererezo muri rusange.
Ubuyobozi bw'Intara bwatanze ubujyanama ku bitaragenze neza kandi bashima ibyagezweho banasaba kurushaho kunoza imihigo.
Bijeje ubufatanye n'Akarere kuburyo bizagenda neza mu isuzuma rya Minaloc.
Umunyamabanga Nshingwabikorwa w'Intara yishimiye ibikorwa by'indashyikirwa n'udushya biri muri uyu mudugudu ,awusezeranira kuzagaruka mbere y'uko uyu mwaka w'ingengo y'imari usoza kureba uko umudugudu wesheje imihigo.