Mu Karere ka Ngororero ibikorwa byo kwibuka ku nshuro ya 32 Jenoside yakorewe Abatutsi mu 1994  byakomereje ku rwibutso rwa Jenoside yakorewe Abatutsi rwa Kesho  ruherereye mu Murenge wa Muhanda aharuhukiye inzirakarengane 2,715.
Igikorwa cyatangijwe no kunamira inzirakarengane zaroshywe mu mugezi wa Giciye hashyirwa indabo kuri uyu mugezi. Hakurikiyeho urugendo rwerekeje ku rwibutso rwa Jenoside yakorewe Abatutsi rwa Kesho hunamirwa inzirakarengane ziharuhukiye.
Abitabiriye iki gikorwa bateze amatwi  ikiganiro kijyanye no kwibuka ku nshuro ya 32Jenoside yakorewe Abatutsi mu 1994, n'ubuhamya bwatanzwe bugaragaza ubukana bwaranze ubwicanyi bwabereye ku musoxi wa Kesho, ubutwari bw'abari bahahungiye kuko bahanganye n' ibitero byitwaje imbunda.
Uhagarariye Ibuka yashimiye politiki ziandukanye zashyizweho na Leta hagamijwe imibereho myiza y'abarokotse.Jenoside yakorerewe Jenoside yakorewe Abatutsi.
Umuyobozi w'Akarere Bwana Nkusi Christophe yihanganishije abarokotse Jenoside yakorewe Abatutsi, abashimira ubutwari bagaragaje bakanga guheranwa n'agahinda ahubwo bagaharanira iterambere ryabo.
Yamaganye ababa bagifite ingengabitekerezo ya Jenoside asaba buri wese kubarwanya yivuye inyuma.
Yashimiye ubuyobozi bwiza bw'Igihugu cyacu burangajwe imbere na Nyakubahwa Perezida wa Repubulika Paul Kagame buhora buzirikana iterambere ry'imibereho myiza y'abaturage ntawe uhejwe.
Igikorwa cyitabiriwe na Komite Nyobozi y'Akarere,  bamwe mu bajyanama mu Nama Njyanama y'Akarere,  abayobozi b'Inzego z'Umutekano zikorera mu Karere,  abahagarariye Ibuka, abayobozi n'abaturage b'umurenge wa Muhanda.