Urwego rwa Dasso rwashimwe imikorere runasabwa kurushaho gukorana ubwitange n'ubunyangamugayo.
Hari mu nama yahuje aba dasso 69 bakorera hirya no hino mu mirenge n’umuyobozi w'Akarere Bwana NDAYAMBAJE Godefroid ari kumwe n'umuyobozi w'ingabo mu turere twa Ngororero na Rutsiro Lt Col Ndengeyinka umuyobozi wa police mu Karere ka Ngororero ASP Alphonse Mayinga n'umuhuzabikorwa w'urwego rwa Dasso Bwana  Ntaganira Janvier kuri uyu wa 31/01/2020

Mayor Ndayambaje n'abakuriye ingabo na police

Umuyobozi w'Akarere yabashimye imikorere anabasaba gukora neza kurushaho. Yatinze ku ruhare rwabo mu gukemura ibibazo bibangamiye imibereho myiza y'abaturage abasaba gukorana bya hafi n'izindi nzego bikazaranduka burundu mu gihe kitarambiranye.

Abayobizi b'nzego z'umutekano nabo bashimiye uru rwego barusaba gukomeza gukorana ubwitange n'ubunyangamugayo bityo bagakomeza kugirirwa icyizere n'abaturage.
Ibipimo byashyizwe ahagaragara na RGB byerekanye ko  abaturage bafitiye icyizere urwego rwa Dasso ku rugero rwa 95%.
Muri iyi nama aba Dasso 7 bagiye mu kiruhuko cy'izabukuru bahawe amashimwe basabwa kuzakomeza kurangwa na discipline.

Abagiye mu kiriuhuko cy'izabukuru bahawe certificates z'ishimwe

Aba Dasso 2 bahinduriwe imyanya: Munyaneza Telesphore wari umuyobozi wa Dasso mu murenge wa Muhanda yagizwe umuhuzabikorwa wa Dasso wungirije ku rwego rw'Akarere na Ayingeneye Leonile wari ukuriye Dasso mu murenge wa Kabaya washinzwe ubutegetsi n'ibikoresho w'uru rwego.

Munyaneza na Ayingeneye bahinduriwe imirimo