Kuwa 19/06/2020 kuri Stade ya Ngororero habereye inama ngarukagihembwe ya Komite Nkomatanyanzego yo kurwanya imirire mibi n'igwingira ry'abana bato mu Karere( Quarterly Coordination DPEM meeting) yayobowe n'Umuyobozi w'Akarere wungirije ushinzwe imibereho myiza Madame MUKUNDUHIRWE Benjamine.

Umushyitsi Mukuru akaba yari Bwana MUCUMBITSI Alexis Umuyobozi Mukuru ushinzwe Imirire, Isuku n'Isukura muri NECDP.

ku murongo w'ibyigwa hari ukurebera hamwe :

01- Ibimaze gukorwa muri gahunda yo kurwanya imirire mibi n'igwingira ry'abana bato ku bufatanye bw'Akarere n'Umushinga wa SPRP ndetse n'ibiteganywa gukorwa muri 2020-2021.

02-Kurebera hamwe Aho Akarere kageze kesa Imihigo yo mu ishami ry'Ubuzima,
03- Kurebera hamwe Aho Akarere kageze gakemura ibibazo bya Human security.
04- Kurebera hamwe uko MUSA 2020_2021 ihagaze mu Karere.

Nyuma yo kungurana ibitekerezo kuri izo ngingo hafashwe imyanzuro ikurikira:

- Abari mu nama Bose biyemeje ko Imihigo yo mu ishami ry'Ubuzima bazayesa ku ijanisha rishimishije Aho buri wese yemeye gutanga uruhare rwe,

-Hemejwe ko hagiye gukazwa ingamba ku buryo hakumirwa abana bashya binjira mu mirire mibi,
- Hemejwe ko nyuma yo gusobanukirwa n'ibitera imirire mibi harimo umwanda, amakimbirane mu miryango, ubuharike n'ibindi buri wese agiye gukaza ubukangurambaga mu rwego rwo gukumira ibyo byose biba intandaro y'imirire mibi.