Ku mugoroba wo kuwa 26/12/2019  mu byanya 4 hatangijwe itorero ry'inkomezabigwi ku nshuro ya 8.  Mu  cyanya cya ASPADE hari urubyiruko 260 (gore 160 gabo 100) mu cyanya cya ESECOR hari 209 (gore 103 gabo106) mu cyanya cya ADEC hari 247  (gore 120 gabo127) mu cyanya cya GS IBUKA Kabaya hari 330 (gore 184 gabo 146). Bose hamwe ni 1046 kuri 1140 bateganijwe bangana na 91%.

Abatari bagera mu byanya bari butorezwemo bivugwa ko bakerejwe n'imvura  ndetse n'imodoka zabaye nkeya. Hakaba hari icyizere ko iri torero rizitabirwa 100%.

Mayor Ndayambaje yahamagariye urubyiruko kuba inyangamugayo

Umuyobozi w'Akarere Bwana Ndayambaje Godefroid ari kumwe n'abayobozi b' inzego z'umutekano ku rwego rw'Akarere yatangije iri torero mu cyanya cya ASPADE. Vm ASOC  Madame Mukunduhirwe Benjamine yaritangirije ADEC,  Vm FED  Uwihoreye Patrick ari muri GS IBUKA naho mu cyanya cya ESECOR hari ES  w' umurenge wa Kageyo Habamenshi Maurice.

Umuyobozi wa Police yabasabye gukomera ku mutekano banirinda ibiyobyabwenge

Intore zaganirijwe ku mutekano, gukunda igihugu  indangagaciro nyarwanda na kirazira.
Mayor Ndayambaje yasabye intore kuba abanyarwanda nyabo barangwa n' ubunyangamugayo. Yanabasabye gukurikira neza amasomo bazahabwa kuko azabafasha mu bukangurambaga butandukanye igihe bazaba basubiye iwabo mu midugudu. Muri buri cyanya hari amatorero 4 arimo amasibo 8.