Umuyobozi w'Akarere Bwana NKUSI Christophe ari kumwe n'Umuyobozi wa Komisiyo y’Iterambere ry’imibereho myiza y'abaturage mu Nama Njyanama y'Akarere Bwana Budengeri Eulade yakiriye intumwa za Tourisme Sans Frontières (TSF) zaturutse mu gihugu cy'Ubufaransa
zari ziyobowe na Bwana Philippe Voisenent 
Ibyaganiriweho:
Incamake y’uruzinduko rwa Tourisme Sans Frontières rwakorewe mu Karere ka Ngororero kuva ku wa 09/01/2026 kugeza ku wa 11/01/2026;
Amahirwe y’ubukerarugendo n’ahantu hafite ubushobozi bwo gutezwa imbere mu bukerarugendo mu Karere ka Ngororero;
Icyuho mu bikorwaremezo n’ishoramari rikenewe mu guteza imbere ubukerarugendo mu Karere ka Ngororero;
Ibindi bikorwa byafasha mu guteza imbere ubukerarugendo mu Karere ka Ngororero.
Tourisme Sans Frontières (TSF) ifite ubunararibonye mu guteza imbere ubukerarugendo burambye mu bihugu bikiri mu nzira y’amajyambere. 
Izakorana bya hafi n’Akarere ka Ngororero mu gusesengura no gushyiraho ingamba zo guteza imbere ubukerarugendo, binyuze mu gutegura gahunda ngenderwaho (Strategic Plan) yo guteza imbere ubukerarugendo mu Karere ka Ngororero.
Inama yitabiriwe n’Umujyanama wa Komite Nyobozi, Umuyobozi w’Ishami rya BDE, Umuyobozi w’Ubuhinzi n’Umutungo Kamere, uhagarariye Ishami rishinzwe Igenamigambi, abakozi bashinzwe ibidukikije, abashinzwe iterambere ry’imishinga mito n’iciriritse (SMEs) n’amakoperative.