Mu murenge wa Muhanda  mu kagari ka Gasiza habereye igikorwa cy'ubukangurambaga ku Isuku n'isukura ku nsanganyamatsiko iti " Isuku impereho, isuku ibe umuco". Bwitabiriwe n'itsinda ry'abayobozi baturutse ku ntara y'Iburengerazuba bayobowe na Bwana NSANZIMANA Sylvestre umuyobozi ushinzwe Igenamigambi ku Ntara harimo SP Sylvestre TWAJAMAHORO umuvugizi wa Police ku Ntara, CNF ku Ntara n'umukozi w'intara ushinzwe abakozi. 
Baje baherekejwe n'umuyobozi w'Akarere wungirije ushinzwe imibereho myiza y'abaturage Mme MUKUNDUHIRWE Benjamine;  bakiriwe n'umunyamabanga nshingwanikorwa w'umurenge wa Muhanda Bwana MUSABYIMANA Japhet.
Ubukangurambaga bwari bugamije gukangurira abaturage:

▪️gukomeza kunoza isuku k'umubiri, aho batuye ndetse no mu gihe hategurwa amafunguro mu rwego rwo kwirinda indwara zikomoka ku mwanda.

▪️Kurwanya imirire n'igwingira ku bana bari munsi y'imyaka itanu hibandwa mu kwimakaza isuku n'isukura ku amafunguro bategurirwa

▪️Mur iki gikorwa kandi habayeho  kugaburira abana indyo yuzuye hagamijwe guha ababyeyi urugero rw'ifunguro rikwiye gutegurirwa umwana.

Abashyitsi bifatanije n'abaturage mu gikorwa cyo gusukura ivomo ryari ryarasenyutse  kugira ngo abaturage bakomeze kubona amazi meza.

Muri gahunda ya dusasirane, imiryango itanu yahawe matelas kugira ngo hakomeze kunozwa isuku no ku buriri.