Muri iki gitondo cyo kuwa 28/01/2020 itsinda ryaturutse ku Ntara y'Iburengerazuba riyobowe n'Umunyamabanga Nshingwabikorwa wayo Madame Uwambajemariya Florence ryasuzumye aho Akarere ka Ngororero kageze kesa imihigo rinatanga inama.

ES w'Intara asuhuza abakozi

Ni igikorwa cyitabiriwe na Komite Nyobozi n’abakozi b'Akarere, abayobozi b'inzego z'umutekano. Muri iki gikorwa buri shami ryerekanaga aho rigeze ryesa imihigo.

Abashyitsi bakiriwe n'Umuyobozi w'Akarere wungirije Bwana Uwihoreye Patrick uhagarariye umuyobozi w'Akarere witabiriye indi mirimo.

Ku gicamunsi itsinda ryerekeje mu murenge wa Gatumba riherekejwe na V/M FED Bwana Patrick Uwihoreye na V/M ASOC Madame Mukunduhirwe Benjamine. Basuye koperative yitwa Ishyaka ikora umurimo w'ububaji ikaba yarakiriye urubyiruko rwavuye i Wawa. Abashyitsi bishimiye ibikorwa bikorwa niyi Koperative. Babagira inama yo gukomeza kunoza umurimo.

 Itsinda ryasuye koperative ISHYAKA rikora umwuga w'ububaji

Mu murenge wa Ngororero, akagari ka Kazabe mu mudugudu wa Ngororero  itsinda ryasuye ikigo mbonezamikurire cy'umudugudu wa Ngororero bareba
1.Imikorere y'urugo mbonezamikurire y'abana bato 9HBECD)
2.Uko ukuriye urugo mbonezamikurire yakiriye iki gikorwa,
3.Imyigire y'abana baharererwa,
4.Inzitizi bahura nazo
Nyuma yo kumva ibyifuzo umuyobozi w'itsinda yashimiye ababyeyi k'uruhare bagize mu gushyira abana babo muri  HBECD no kubagurira uniforme, kubashakira igikoma n'ibindi. Yashimiye kandi Ubuyobozi bw'inzego z'ibanze guhera ku kagari kugera Ku karere kuko bagize uruhare runini mu gufasha HBECD, kuko byagaragaye ko abana barimo bakurikiranwa bakaba bameze neza.