Kuri uyu wa 19/06/2020, kuri Guest House y'Akarere ka Ngororero habereye inama ngishwanama ku misoro n'amahoro (Tax Advisory Council), yayobowe n'Umuyobozi w'Akarere wungirije ushinzwe Iterambere ry'Ubukungu, Bwana Uwihoreye Patrick.

Iyi nama yari igamije kurebera hamwe ishyirwa mubikorwa ry'imyanzuro yafashwe mu nama iheruka yo kuwa 10/10/2019, aho buri murenge ugeze wesa umuhigo wo gukusanya imisoro n'amahoro mu mwaka 2019/2020, imbogamizi ziri mwikusanywa ry'imisoro n'amahoro n'ingamba zafatwa, n'umuhigo w'imisoro n'amahoro izakusanywa mu mwaka wa 2020/2021.

Nk'uko byavuzwe n'umukozi wa RRA mu Karere ka Ngororero, Covid 19 iri mu byatumye ikusanywa ry'imisoro n'amahoro ritagera ku gipimo cyari giteganijwe. Mu mpera za Gicurasi umuhigo wari ugeze kuri 90%. Abitabiriye inma bavuze ko bagiye gukora ibishoboka byose ngo iki gipimo kizamuke mu minsi 10 isigaye ngo umwaka  w'ingengo y'imali wa 2019/2020 urangire.
Umwaka utaha wa 2020/2021 hateganijwe kwinjiza 851,444,853frws.

 Inama yitabiriwe n'umuhuzabikorwa wa RRA mu Ntara y'Iburengerazuba Bwana Musirikare Francis, Uhagarariye RRA mu turere twa Ngororero, Nyabihu na Rubavu Bwana Hakizimana Robert Maurice, Umunyamabanga Nshingwabikorwa w'Akarere ka Ngororero Bwana Abiyingoma Gerard, Umuyobozi  w'Inkeragutabara mu Karere, Umuyobozi w'Ishami ry'Imari y'Akarere, Uhagarariye PSF mu karere,  Abanyamabanga Nshingwabikorwa b'Imirenge, Umukozi w'Akarere ushinzwe ubugenzuzi bw'imisoro n'amahoro,  Abacungamutungo b'imirenge, uhagarariye RRA mu karere, uhagarariye Ngali mu Karere,  abakozi ba RRA bakorera mu mirenge n'abakozi ba Ngali bakorera mu mirenge.