Kuwa kane tariki 30/04/2020 Guverineri w'Intara y'Iburengerazuba Bwana Munyantwari Alphonse yagiriye uruzinduko rw'akazi mu Karere ka Ngororero.
Yari aherekejwe n'inzego z'umutekano ku rwego rw'Intara. Bakiriwe na Komite Nyobozi y'Akarere iri kumwe n'abayobozi b'inzego z'umutekano ku Karere.
 Kuri stade y'Akarere yagiranye inama n'abanyamabanga nshingwabikorwa b'imirenge, abayobozi b'ibitaro n'ibigo nderabuzima , abagarariye amadini n'amatorero , abikorera, abayobozi b'utugari n'imidugudu b'umurenge wa Ngororero , abayobozi b'inzego z'abagore n'urubyiruko
n'abajyanama b'ubuzima.

Inama yibanze ku ngingo zikurikira
 uburyo Akarere gakumira ikwirakwira rya COVID-19,  ibiza byibasiye Akarere muri iki gihe cy'imvura
n'uko umutekano wifashe mu Karere.
 Inama yasanze :
-Ubukangurambaga bwo gukumira ikwirakwira rya COVID-19 bugenda neza hasabwa gukomeza umurego
-Ingamba mu guhangana n'ibiza zarafashwe by'umwihariko kuvana abantu mu manegeka
-muri rusange umutekano wifashe neza  uretse ubusinzi bukiboneka ahantu hake.

Guverineri n'intumwa yari ayoboye bagiranye inama yihariye na Komite Nyobozi, inzego z'umutekano n'abanyamabanga nshingwabikorwa b'imirenge.
-Habayeho gusasa inzobe ku buzima bw'akarere
-Imirenge Sacco yasabwe kuvugurura imikorere aho idakora neza.
-Ku bijyanye n'ibiza Bwana Guverineri yagiye inama yo kwishakamo ingufu aho imbaraga z'akarere zigarukiye hagakorwa ubuvugizi.
-Ku bijyanye na Coronavirus buri wese agomba kumva uburemere bwayo. Abaturage bagakomeza kwigishwa bagahindura imyumvire.
Bwana Guverineri yongeye gushishikariza abayobozi gukorera hamwe nk'ikipe ku neza n'terambere ry'abaturage.