Kuri uyu wa mbere tariki 24/02/2020 abafatanya bikorwa mu kurengera umwana, abashinzwe imibereho myiza y'abaturage mu mirenge bagiranye inama n'intumwa ya Hopes and Homes for Children Bwana Munyamariza Moise. Inama yayobowe n'umuyobozi w'Akarere wungirije ushinzwe imibereho myiza y'abaturage Madame Mukunduhirwe Benjamine ari kumwe n'umukozi w'Akarere ufite uburenganzira bw'umwana mu nshingano ze Nyirahabimana Julienne

VM ASOC Madame Mukunduhirwe Benjamine (hagati) niwe wayoboye inama
Abafatanya bikorwa batandukanye barimo Isange One Stop Center, Wibabara, Apax, Ineza Kabaya, Umuhuza, Compassion Internationale... yagaragaje uburyo bita ku bana bari mu byiciro binyuranye by'umwihariko abafite ubumuga bw'ingingo no mu mutwe.
Bavuze n'uburyo bakora ubukangurambaga mu miryango barwanya amakimbirane mu ngo kuko agira uruhare mu guhonyora uburenganzira bw'umwana.
Muri iyi nama Madame Mukunduhirwe Benjamine yasabye ko aba bafanyabikorwa bajya bakora gahunda y'ibikorwa kandi bagatanga raporo ku nzego bakorana nazo zibari hafi. Yabashimiye ko baharanira kwita ku bana bityo ntibandagare.
Bwana Munyamariza we yabwiye abashinzwe imibereho myiza mu mirenge ko bashyira imbaraga mu gukemura amakimbirane mu miryango ntibategereze ko igisubuzo cyava i kantarange.

Umugenzuzi w'umurimo mu karere ka Ngororero yibukije imirimo ibujijwe abana ikanabavutsa uburenganzira bwabo

Mu kiganiro cyatanzwe n'umugenzuzi w'umurimo Evariste abari mu nama bibukijwe mirimo ibujijwe ibangamira uburenganzira bw'umwana.
Intumwa ya Hopes and Homes for Children yasabye abitabiriye inama kuba ijwi ry'abana bakabarinda ihohoterwa babategurira ejo heza.

INEZA KABAYA na COMPASSION INTERNATIONALE ni bamwe mu bafatanyabikorwa mu kurengera abana