Ngororero: gutubura imbuto shingiro y' ingano byatangirijwe mu murenge wa Kabaya

Kuwa 22/03/2021 mu murenge wa Kabaya, akagari ka Mwendo hatangijwe kumugaragaro igikorwa cyo gutubura imbuto shingiro y' ingano (Wheat Basic Seeds).
Igikorwa cyitabiriwe na Bwana UWIHOREYE Patrick, umuyobozi wungirije ushinzwe iterambere ry' ubukungu, waganirije abitabiriye iki  gikorwa ku ngingo zikurikira :                                           

1) Ibyiza byo guhinga ingano;                                       

2) Ubwishingizi bw'ibihingwa n'amatungo;                                                                              

3) Ibyiza byo kwituburira imbuto imbere mu gihugu;                                                                             

4) Imbuto shingiro (basic seeds) icyo aricyo.
Abandi bitabiriye iki gikorwa:  
Umuyobozi w'ishami ry'ubuhinzi n'umutungo kamere, Agronome w'Akarere, Agronome wa RAB station ya Gishwati, n' abakozi batandukanye b'umurenge wa Kabaya.
Igikorwa cyabereye mu mirima ya cooperative KABKM, ari nayo izatubura izi mbuto.

Abahinzi b'ingano bavuga ko zibafasha gukenura imiryango yabo:Nsengiyumva Philippe ni umujyanama w'ubuhinzi akorera mu kagari ka Busunzu umudugudu wa Kinyamiyaga. Yemeza ko igihingwa cy'ingano gikunzwe cyane. Kivamo igikoma kirinda abana kurwara bwaki. Mugenzi we Munyempotore Jean Damascene akorera mu mudugudu wa Gitaba. avuaga ko iki gihingwa giha abaturage amafaranga bagashobora kurihira abana amashuli, kwishyura ubwisungane mu kwivuza. Niyonsanga Venant nawe ni umujyanama w'ubuhinzi ukorera mu mudugudu wa Kabuga. Aragira ati igihingwa cy'ingano gituma tugira ubuzima bwiza kuko tugurisha ku giciro cyiza kandi abayobozi bacu baduhora hafi.

Muri iki gihembwe mu karere ka Ngororero ingano zizahingwa ku buso bungana na hegitari 2,877.